سفينه في وسط بحرك تدور برك ومرساك
صواريها بلا اشرع وامواجك تمشيها
وأنا ربانها العطشان يبي يرتوي من ماك
يدور عن جزر حبك يبي يرسي بشواطيها
حبيبي تهت انا ف بحرك تعال ومد لي يمناك
تعال ودلني جزرك ورسيني موانيها
أنا اعيش الخطر لجلك وروحي يالغلا تفداك
ولو تبغى عيوني لك انا من ليوم مابيها
لاني اشوف بعيونك من كثر ما انا اهواك
وأتنفس بأنفاسك وروحي انت مغليها
سفينة حبنا تمضي وعسى تمشي بنا لهناك
وعسى ربي يباركها وعلى برك يرسيها
مجنونها
لوحة من الحسن والزين والطيبه
حبيبتي لوحه بكل ما تحويه من اللوان
أنتي بلا عيب وكل انسان له عيبه
سبحان من صورك يا بنت سبحان
ويمكن لها عيب بس انا مدري به
أو يمكن ترا تخفيه في حسنها الفتان
من زينها تقدر راس العزيز تجيبه
وبحضورها مافي ابد مخلوق ينهان
بعيونها كل الحسن مخلوط باللهيبه
لا شفتها تحتار هي انس او جان
كنها حكايه من العصور العجيبه
تحكيها الجده لحفيدها البردان
هذي حبيبتي لوحه غريبه
صورها سبحانه ما من خلق انسان
وأبدع بخلقه لها بصوره رهيبه
يا رب تحفظها يا خالق الاكوان
هي اللي اسرت عقلي وهي الحبيبه
وهي اللي ملكني حبها دون سلطان
وروحي ترا بحبها امست صويبه
وقلبي ترا اصبح مغرم بها وغرقان
مجنونها
بديت أجمع كل كلام الحــب لجــل أكتــب روايــه
من وله من غــرام وعشــق مــن نبــض وحنيــن
وكان اسمـك يا حبيبــي مــن تفاصــيل البــدايه
يلي ساكن وسط قلبــي طـول عمري والسنين
وصورتك اللي ف بالــي كــل مــا فيــها حكــاية
من بداية سحر شعرك لا طاح بعضـه ع الجبيــن
ثــم عيونـــك يـا عيــونـــي ليـتها تبقـــى معــايه
لجل ألمس رمش عينك كــل ساعه وكــل حــين
والورد اللي بخـدودك ما ابــي يشــمه ســوايه
نرجس وفل وخـزامى مــدري يمكــن ياسمــين
والعسل اللي بشفاتك هو سقامي وهو دوايه
أرفق بحالي وتعـــطف صــار حــالي كـــالجنين
جيت أنهي هالـــروايه مــا قـدرت أكتب نهــاية
تاهت سطوري وحبري في جمـالك يالظنين
تحياتي مجنونها
أسف حياتي أني جرحتك
وأسف على غدر السنين
وأسف بكيتي ولا سمعتك
وأدعيتك بحسره وأنين
وأسف لأني من غصبتك
على الحب وأنتي ما تبين
رحت ولا حتى سألتك
تبغين عني ترحلين …؟
وأدري بأني ما وحشتك
ذكرى وأحساس “ن” دفين
بأوهام كذابه خدعتك
وصورت لك قلبي أمين
خنت العهود وما وفيتك
خاين أنا لا تحلمين
ندمان صدقيني خسرتك
رغم الندم لا ترجعين
لأني ماستاهل رجعتك
من بعد ماخنت الحنين
لأني رميتك ما جمعتك
ومن يرمي القلب الثمين
أستاهل أني ما ربحتك
وأستاهل القلب الحزين
أسف حبيبي أني جرحتك
وأسف على غدر السنين
“مجنونها
سنـاء الشمــس والنسمة ولــون الــورد بمتــونـــك
كل هذا ملكني لك وبجمــالــك صرت أنا حيـــران
صدى صوتك وهمسك سحرني وصرت مجنونك
يمتعني ويطربنــي كلامـــك أعــــذب الألحــــــان
وهج خـدك مــع شفــاتك نعــاســن بــان بجفــونك
صفاتك هذي تجبرنـي أحبــك وأنســـى الأحــزان
سواد اليل في شرك وشمــس الصبــح هي لــونك
وعطرك يسحر العالم يا ورده فـي وســط بستــان
ضحكتك عطـر أنفاسك بهــن أصبحـت مفتونــك
وروحــك تايهــن فـيهــا أنــا هالعاشــق الولهــان
حكاية عشـق أبداهــا معــك وأكــون مضــنونــك
ونــبـداهــا بــذكــر الله بعدهــا كــان يامــا كـــان
أنا أدري ترا فــي نــاس مــن حــولك يحبـــونـــك
بــس صـدقنــي حبــي لك مــا ينقــاس بــالميــزان
أنــا أخلــيك في قلبي وضلوعــي حــوله يحمــونك
لأني أغـار مــن النسمــة تلامــس خــدك النشــوان
أبيــك أتحــس بــس فينـــي أنــا لاشــي مــن دونك
أنا شارـيك بالغالــي مبيعــك بــأرخـــص الأثمــان
أحاسيســي وأفكــاري صبـــاح ولــيل يطــرونـك
دقايــق أبتعــد عنــك أحــس أنـــي بعيــد أزمـــان
عقلـي وقلبــي وأفكــري ثــارو ضــدي يبغــونك
وسوو لك مسيـرة حـب وأنا جازونـي بالعصــيان
غصب أو طيــب حبيــتك وأحاسيســي يــدارونك
أنا تايه ف صحرى الشوق وحبك فيه أنـا غرقــان
أنــا مــن يــوم ميــلادي وروحــي ساكــنه كــون
وليتك ساكـنه كونــي ويصبــح قلبــي لك أوطــان
أنــا مانــي بمستعجــل و حــبينــي علــى هــونك
لأنــي مانــي متخــيلك مــعا غيــري أبــد أنســان
أنــا ميــت بـــلا حـــبك وعايـــش بــس لعيـــونك
حكمتي بحبك أحساسـي وفكـري أنتـي لـه سلطـان
أحبـك أربــع حــروفك وأحــب حكمــك وقانــونك
أحبـك وأنــت تحكمــنـي بــكل العــدل والأحســان
أحبك وأني بأعصابــك وأحبــك ســاعة أسكــونك
وأحبك في دفئ حضنك ف ليل من الشــتاء بــران
أحبـك بســمة شــفاتك أحــب أحســاس مكنونـــك
أحب الطيبه فــي قــلبك وأحـبك نشــوة الفــرحان
“مجنونها”
في بعدها ذقت الآلم في بعدها ذقـــــــت الجــــــــــــــراح
في بعدها تاه العقــــل والقــــــــلب خلانـــــــــــــي وراح
في بعدها صار الفرح أوهـام وأوجـــاع وصيـــــــــــــاح
ولا جيت مره أبتسـم يسبقنـــي قلبــــــــــي لنــــــــــواح
وين اللقى يا خاينة ويــن السهــــر وين الكفــــــــــــــاح
وين الرسايــل والـــورود ولت لياليـــــــــنا المــــــــلاح
وصارت ليالينا برد عتمه وأصـــــــــوات الريــــــــــاح
وصار النهار وحشه وخوف ذيب يعوي وصوت النبـاح
حنيت شوفة بسمتك وأشـم عطـــــــــرا منـــك فــــــــاح
ياليت ترجع لي سند وأشيل أحساســــــك ســــــــــــلاح
وتكون شمس لدنيتي أشوفها في كـــــل صبـــــــــــــاح
“مجنونها”
أحرق علـى نـار الحــزن كــل أفراحـي
وأرمي السعادة حطب والـنار مشـبوبـه
أمشي على درب الأسى ألملم أجراحي
وأشرب عذاب وآلم والكـاس مسكـوبـه
الحزن أنـزل ركـابه ف القلـب سياحي
وعلى خدودي دمعـة الحـزن مكتــوبـه
ياعين هــلي الــدمـع لاعلــي أرتـاحـي
يمكن أشوف الفـرح ســاعة أغــروبــه
حرب الخيانة أبتدت وأنا بـلا سـلاحـي
والوفى ف هذا الـزمن ذباحه أحـروبـه
هذا زمان الغدر يا قــلب كن صاحـــي
وأللـي كــلامه عـذب لا تأمـن أسلـوبـه
كم واحدن ماشاني من بعـدهــا راحـي
وقـت السعــادة مـعـي ياحلـو عـذروبـه
ولا طحت خلاني سهـير اللـيل بنواحي
مثل الحجر مرمي ومن يلتفـت صوبــه
تــايـه أنــا وسـرحــان والــهــم ذبـاحـي
مثل الحبيب أللي مفارق حضن محبوبه
كالطير أنا ياصاح مكسور لـي جناحـي
مسجـون داخل قفــص والنـور مطلـوبه
عطني فضا يا خوك أطلق لي سراحي
يكفيـني وحـده ونـدم والــروح مسـلوبه
“مجنونها”
هذي أجروحي ياخالد لا تحسب ولا تعد
وجروح قلبي خطيره والدوا ماهو بموجود
وجروحي لها قصة ماهي جروح المجد
وأنت البطل فيها وعاملتني بجحود
كنت بحياتي الجزر وأنا أجيك المد
والحب أللي جمعنا قبل لا ينولد ملحود
حبي لعيونك جرى وقفت أنت السد
والجرح اللي فتحته ينزف مشاعر سود
ياما نصحتك دايم وحذرتك أمن الجد
بس قلت لي لتحاتي دام الأمل موجود
ضاع الأمل يا خالد وضيع معاه الود
وأيامنا تذكرها راحت مضني أتعود
كنت لجلك أدوس الشوك وأفرش دروبك ورد
كل هذا لجل لعيونك ما أنتظر مردود
وكان الشتاء يجمعنا وما نشكي أمن البرد
وف الصيف نشكي الفرقا يا حضنا المحسود
حل الخريف وطاحت أوراق شعري بعد
وهل الربيع وأنبت وسط السطور أورود
جيت أسألك بالحب أحرجتني بالرد
قلت المحبه كنز بس كنزها مفقود
درب الخيانة واقع بس المحبه عهد
قلت المحبه ماتت وتكسرت لعهود
ناسن ضعاف نفوس قامو علينا الحد
وناسن تناظرنا وناسن علينا تجود
هذي طباع الناس من يوم ما نولد
قلب”ن” شرات القطن وأقلوب كالجلمود
نحنا زرعنا الحب لابد أن نحصد
بس للأسف نلقى كل زرعنا محصود
هذي حكاية خالد واقع بليا سرد
وكان المعاتب قلبه وأوراق شعره شهود
أبي أكتب قصيدة حب وأبي أوصف لك أحساسي
بس كل كـلام الحــب مــا يوفــي لــك المضمــون
حبيبي أنـت لـي حيـره وربكـه وأنـت هوجـاســـي
إذا كان الوصف صادق بحبك صرت أنـا مجنـون
بدونك مظلـمة دنيــاي وأحــس بضــيق أنفــاســي
وذا غابت عيوني عـنك أصــير التــايه المحــزون
كحل عينك أسـر قلــبي وجفــون العيــن حراســي
وأعجب من العجــب أنــي أسيــر بآســره مفتــون
زمــانـك سـيــدي غـامــض الا يـالطيــب الـقاســي
تـرفــق أرحــم الـعاشــق تـمهــل فـاتنــي بـالهــون
ياأغلا مــن سـكـن قـلبــي ياأحــلا كــل جــلاســي
ياشمسي ويـا دفــى قلبـي الا يحـلا ورود الــكــون
نسيت الحزن من شفتك وشلت الــهم مــن راســي
بعد ما كنت أنا تايـه وعايـش فـي وهــم وضنــون
بـدايـة فـرحتـي أسمــك ونبضــك قوتــي وبـاســي
“أحـــبك أحــبك أحـــبك” أحـــبك سيــدي بجنــون
“مجنونها”
